Posted on 2009/07/05 by يعرب
المشهد الأول :
الله يخليلي ياكي يا إمي ، بس قلتلك انو أدنيي عم يوجعوني كتير
وما فيّ طوّل عالتلفون ، بس إرجع عالبيت منحكي بالموضوع.
*
المشهد الثاني :
- حبيبي
يا عيون حبيبك
- حرام عليك صرلنا أكتر من نص ساعة عم نحكي عالموبايل، ما بدي ياك تتخسر كتير ، منحكي عالأرضي بس ترجع عالبيت .
الله يسامحك حبيبتي
أنا كلياتني عحسابك يا عيون حبيبك .
*
المشهد الثالث :
أهلين أخي ، كل النهار وأنا ناطرك تتصل ، ما معي وحدات ، كنت اتصلت فيك .
أخي يا ريت تمرق لعند الخياط بطريقك إنت وراجع وجيب البنطال من عندو وقلو أنا بحاسبو بعدين .
*
المشهد الرابع :
مرحبا يا معلم ، دخيل عينك حولّي 1000 وحدة يو تي إس على خطي ، والمسا بمرق لعندك وبحاسبك فيون .
*
المشهد الخامس :
آلــو ، حبيبتي .
اشتقتلك
!
Filed under: خربشات, فرفشات
أنا بسميهم “أولويات”
ههههههههههههه جد ظريفة
هيك بيصير بالضبط
بس الله لا يحط بطريقك شي واحد بخيل متل اللي بيطلعو بطريقي بيعلم تعليم أبو الشباب
وإذا نوى يحكي مابيعرف كيف يخلص
بس هو بكل الأحوال خسارة بشركة الاتصالات اي ليرة لانهم عم يسرقونا عنيك كنت عينك
اظن الافضل ان لا يحوي موبايلك على واحدات
اوفر لك ولشركة الاتصالات……. هههههه
مودتتي الك…………..
كانت المشاهد الخمسة ..
فأين السادس ؟
دمت .
أبو السمر :
أولويات زمن العولمة والقرن واحد بعد العشرطعش .
مجرد أنثى :
البخل عادة غير مستحبة إلا بالاتصالات …
لولا الشغل , بكب الموبايل بالبحر وعمرو ما حدا يورث
اللجي :
صديقي , بتمنى من كل قلبي تأفلس شركة الاتصالات لحتى أعرف شعورها وقتها …
تحياتي
روح الياسمين :
في الحلقة القادمة , مسلسل مشاهد مستمر .
دمت صديقي